Ammoníaksleki í Njarðvíkurhöfn

Slökkviliðið á Suðurnesjum var kallað að fiskverkunarhúsi við Njarðvíkurhöfn um tíu leitið í gærkvöldi, eftir að ammoníaksrör sprakk þar í vinnslusal og efnið streymdi út í andrúmsloftið.

Salurinn var mannlaus þegar þetta gerðist, en starfsmaður, sem átti viðkomu í húsinu fyrir tilviljun, varð lekans var.

Eiturefnakafarar slökkiliðsins fóru inn í salinn og skrúfðuðu fyrir lekann. Mikla ammoníakslykt lagði frá húsinu um tíma og lokaði lögregla leiðum að því, en hagstæð vindátt bar fnykinn frá íbúðabyggðinni og sakaði engan.