Fótbolti

HM í sumar: Þetta eru lykilmennirnir

Elvar Geir Magnússon skrifar

Þann 11. júní í sumar verður flautað til leiks á heimsmeistaramótinu í Suður-Afríku. Búast má við skemmtilegum tilþrifum frá fjölmörgum stórstjörnum mótsins.

Guardian tók saman mikilvægustu leikmenn liðanna 32 sem taka þátt í mótinu að þessu sinni.

Smelltu á albúmið hér að neðan til að kynna þér betur lykilmennina sem verða í eldlínunni í sumar.

Rafik Saifi (Alsír) - 55 leikir, 18 mörk - Saifi er sjötti markahæsti landsliðsmaður Alsír frá upphafi og treysta Alsíringar á að hann muni skila mörkum á HM. Leikur með Al-Khor Sports Club í Katar en hefur stærstan hluta ferilsins verið í Frakklandi og Belgíu.
Lionel Messi (Argentína) - 41 leikir, 13 mörk - Diego Maradona, landsliðsþjálfari Argentínu, segir Messi vera besta leikmann heims og er ekki einn á þeirri skoðun. Þessi magnaði leikmaður Barcelona hefur þegar unnið Meistaradeildina tvívegis en þyrstir í fleiri verðlaunapeninga með landsliði sínu.
Mark Bresciano (Ástralía) - 52 leikir, 11 mörk - Bresciano var næstum genginn í raðir Manchester United í janúar en upp úr slitnaði og hann fór aftur til Palermo. Miðjumaður með auga fyrir mörkum og hefur verið fastamaður í landsliði Ástrala.
Kaká (Brasilía) - 73 leikir, 26 mörk - Kaká þarfnast ekki kynningar. Þessi stórbrotni leikmaður kostaði Real Madrid morðfjár en hefur hingað til náð að standa undir þeim gríðarlegu væntingum sem til hans hafa verið gerðar.
Samuel Eto'o (Kamerún) - 87 leikir, 42 mörk - Eto'o spilar í dag með Inter en hann var kornungur þegar hann byrjaði að spila með landsliðinu. Hann á tvo Afríkumeistaratitla að baki með liðinu og fagnaði sætinu á HM með því að splæsa rándýrum úrum á liðsfélagana.
Matías Fernández (Chile) - 34 leikir, 7 mörk - Var valinn leikmaður ársins í Suður-Ameríku 2006. Skilar mörkum og stoðsendingum á félaga sinn Humberto Suazo. Teknískur og með gott auga fyrir spili. Er nú í herbúðum Sporting Lissabon eftir að hafa gengið illa að finna leiðina að markinu hjá Villareal.
Christian Poulsen (Danmörk) - 71 leikur, 5 mörk - Leikmaður ársins í Danmörku 2005 og 2006. Hefur gengið illa að vinna sér inn fast sæti hjá Juventus en frammistaða hans með Danmörku hefur verið frábær. Mikilvægur hlekkur varnarlega en á það til að safna spjöldum...
Wayne Rooney (England) - 55 leikir, 25 mörk - Spurningin er hver á að spila með Rooney í sókn Englands. Hefur raðað inn mörkum í vetur og skoraði 9 mörk í 10 leikjum fyrir England í forkeppninni. Gerðar eru gríðarlegar væntingar til hans fyrir HM.
Franck Ribéry (Frakkland) - 41 leikur, 7 mörk - Ribéry er talinn í hópi bestu leikmanna heims. Leikur með FC Bayern í Þýskalandi. Hefur verið gjarn á að krækja sér í smávægileg meiðsli sem hafa gert það að verkum að hann hefur misst af nokkrum mikilvægum leikjum.
Michael Ballack (Þýskaland) - 97 leikir, 42 mörk - Þrátt fyrir að vera miðjumaður er Ballack í sjöunda sæti yfir flest mörk skoruð fyrir þýska landsliðið, aðeins fimm mörkum frá Rudi Völler og Jürgen Klinsmann.
Michael Essien (Gana) - 45 leikir, 8 mörk - Essien lék lykilhlutverk með Gana sem var eina Afríkuþjóðin sem komst upp úr riðli sínum á síðasta heimsmeistaramóti. Frábær miðjumaður sem segist vera tilbúinn að deyja fyrir málstaðinn á HM í sumar.
Theofanis Gekas (Grikkland) - 45 leikir, 20 mörk - Gekas hefur gengið illa á sínum ferli að undanförnu og fékk lítið að spila með Portsmouth þegar hann fór þangað á lánssamningi. Með landsliðinu hefur hinsvegar verið bjartara. Hann skoraði 10 af 20 mörkum Grikklands í undankeppninni.
Wesley Sneijder (Holland) - 55 leikir, 12 mörk - Hefur svo sannarlega sýnt gæði sín hjá Inter á Ítalíu. Er þegar orðinn lykilmaður hjá Ítalíumeisturunum og er sköpunargleði hans ansi mikilvæg hollenska landsliðinu.
Wilson Palacios (Hondúras) - 68 leikir, 4 mörk - Hefur leikið 68 landsleiki þrátt fyrir að vera aðeins 25 ára. Skoraði mikilvæg mörk fyrir landsliðið í júní, aðeins tveimur dögum eftir að hafa verið við útför bróður síns sem var myrtur af mannræningjum. Hefur spilað mikilvægt hlutverk fyrir Tottenham í enska boltanum.
Gianluigi Buffon (Ítalía) - 100 leikir, 0 mörk - Ofurmennið, eins og hann er kallaður meðal stuðningsmanna Ítalíu, hefur haldið ótrúlegri tryggð við Juventus þrátt fyrir ýmsa öldudali. Var valinn besti markvörðurinn á HM 2006.
Didier Drogba (Fílabeinsströndin) - 61 leikur, 41 mark - Þó margir þoli ekki þennan kraftmikla sóknarmann Chelsea geta þeir ekki neitað því að hann er einn sá allra besti í heimi. Fáir gleyma því þegar Drogba hjálpaði við að binda enda á þriggja ára borgarastyrjöld í heimalandi sínu með því að koma fram í sjónvarpi og biðja báðar fylkingar að leggja niður vopn sín.
Shunsuke Nakamura (Japan) - 91 leikur, 23 mörk - Þessi fyrrum leikmaður Glasgow Celtic og núverandi leikmaður Espanyol er með baneitraðan vinstri fót. Virkilega góður aukaspyrnusérfræðingur.
Rafael Marquez (Mexíkó) - 87 leikir, 10 mörk - Það getur ekki verið slæmt að hafa leikmann Barcelona sem tvisvar hefur orðið Evrópumeistari í hjarta varnarinnar. Eftir slæma byrjun Mexíkó í undankeppninni spilaði Marquez lykilhlutverk í að liðið náði að rétta úr kútnum.
Ryan Nelsen (Nýja-Sjáland) - 38 leikir, 6 mörk - Fyrirliði Nýja-Sjálands er menntaður stjórnmálafræðingur en óvíst er hvort það muni hjálpa liðinu á HM. Hugdjarfur varnarmaður sem leikur með Blackburn. Skapar ógn í föstum leikatriðum.
John Obi Mikel (Nígería) - 24 leikir, 2 mörk - Hefur átt í erfiðleikum með að vinna sér inn sæti í liði Chelsea í vetur. Þessi sterki miðjumaður lék hinsvegar frábærlega með Nígeríu í undankeppninni.
Hong Yong-Jo (Norður-Kórea) - 38 leikir, 11 mörk - Einn af fáum leikmönnum Norður-Kóreu sem leikur utan kommúnistaríkisins. Leikur með FC Rostov í Rússlandi. Norður-Kórea byggir leik sinn upp á varnarleik en Yong-Jo er einn af fáum sem er hættulegur í sókninni. Er fyrirliði liðsins.
Roque Santa Cruz (Paragvæ) - 64 leikir, 20 mörk - Kvenfólkið í Suður-Afríka hefur glaðst yfir því að sjá Paragvæ komast í lokakeppnina. Santa Cruz var valinn kynþokkafyllsti leikmaður HM 2006. Þessi leikmaður Manchester City leiðir sókn Paragvæ.
Cristiano Ronaldo (Portúgal) - 67 leikir, 22 mörk - Magnaður leikmaður eins og allir vita. Markaðsmenn heimsmeistarakeppninnar hafa líklega fagnað vel þegar Portúgal tryggði sér sæti á mótinu. Dýrasti leikmaður heims verður með í Suður-Afríku.
Dejan Stankovic (Serbía) - 85 leikir, 13 mörk - Leiddi Serbíu til sætis í sínu fyrsta heimsmeistaramóti sem sjálfstæð þjóð. Stankovic, sem leikur með Inter, ber fyrirliðabandið enda reyndasti leikmaður Serbíu sem varð fyrir ofan Frakka í undankeppninni.
Marek Hamsik (Slóvakía) - 29 leikir, 8 mörk - Kraftmikill miðjumaður sem tekur þátt í sóknarleiknum. Hefur leikið vel fyrir Napoli á tímabilinu. Býr yfir hraða, vinnusemi og er góður að nýta færi. Chelsea hefur sýnt þessum leikmanni áhuga.
Milijove Novakovic (Slóvenía) - 36 leikir, 13 mörk - Spilaði alla leiki Slóvena í undankeppninni og var markahæstur í liðinu með fimm mörk. Hann, markvörðurinn Samir Handanovic og fyrirliðinn Robert Koren bera uppi slóvenska liðið.
Steven Pienaar (Suður-Afríka) - 43 leikir, 2 mörk - Heimamenn stóla mikið á sína skærustu stjörnu, Steven Pienaar. Spurning hversu mikið þessi miðjumaður Everton getur gert fyrir lið Suður-Afríku á HM.
Park Ji Sung (Suður-Kórea) - 84 leikir, 11 mörk - Frægasti íþróttamaður Suður-Kóreu er mikils metinn hjá Manchester United. Park lék lykilhlutverk í liði Suður-Kóreu sem komst óvænt í undanúrslit á HM 2002.
Xavi (Spánn) - 82 leikir, 8 mörk - UEFA valdi þennan magnaða miðjumann leikmann Evrópumótsins 2008 þar sem Spánverjar stóðu uppi sem sigurvegarar. Leikur lykilhlutverk með Barcelona og Spáni.
Tranquillo Barnetta (Sviss) - 45 leikir, 6 mörk - Þessi miðjumaður Bayer Leverkusen í Þýskalandi var einn besti ungi leikmaðurinn á HM 2006. Algjör lykilhlekkur hjá Sviss og leikur þeirra riðlast mikið án hans.
Landon Donovan (Bandaríkin) - 120 leikir, 42 mörk - Leikmaður sem er algjör lykilmaður í liði Bandaríkjanna sem mætir til Suður-Afríku með væntingar en ekki bara vonir. 120 landsleikir segir sitt um mikilvægi hans.
Diego Forlan (Úrúgvæ) - 58 leikir, 22 mörk - Það var kannski hlegið að honum á Old Trafford en hann er í raun og veru markamaskína.
HM 2010 í Suður-Afríku

Mest lesið


Fleiri fréttir

Sjá meira


×

Mest lesið