Vilja fund vegna áminningar

Guðlaugur Þór Þórðarson, þingmaður Sjálfstæðisflokksins og fyrrverandi heilbrigðisráðherra, hefur farið fram á fund í heilbrigðisnefnd.

Ástæðan er ætlun Álfheiðar Ingudóttur, heilbrigðisráðherra, að áminna forstjóra Sjúkratryggingastofnunar og Vísir hefur áður greint frá.

Í tilkynningu frá Guðlaugi Þór og Ragnheiði Ríkharðsdóttur segir að þau fari fram á að auk ráðherra verði ráðuneytisstjóri, forstöðumaður lögfræðisviðs heilbrigðisráðuneytisins, lögfræðingur í heilbrigðisráðuneytinu, ríkisendurskoðandi, stjórnarformaður Sjúkratryggingastofnunar og forstjóri kallaðir fyrir nefndina.