Umfjöllun: Valsmenn veiktu von Selfyssinga

Selfyssingar töpuðu 2-3 fyrir Val á heimavelli sínum í kvöld. Þeir eru nú fjórum stigum frá öruggu sæti þegar fjórar umferðir eru eftir og þrátt fyrir að það sé eins og Fylkismenn séu að reyna að hjálpa þeim að halda sæti sínu er ekki víst að það sé nóg.

Í næstu þremur leikjum eru Selfyssingar að fara að etja kappi við þrjú efstu lið deildarinnar. Þeir eiga því ansi erfitt verkefni fyrir höndum í baráttunni fyrir lífi sínu í deildinni.

Varnarleikur liðsins hefur oft verið átakanlega slakur í sumar og í fyrri hálfleiknum í kvöld fengu Valsmenn ítrekað að koma með fyrirgjafir óáreittir. Í teignum fengu þeir rauðklæddu síðan að leika lausum hala.

Valur var með 2-0 forystu í hálfleik en í þeim síðari náðu heimamenn að minnka muninn þegar góður dómari leiksins, Gunnar Jarl Jónsson, dæmdi réttilega vítaspyrnu fyrir hendi innan teigs. En nokkrum mínútum síðar gerði Jóhann Ólafur Sigurðsson, markvörður Selfyssinga, slæm mistök og forysta Vals aftur orðin tvö mörk.

En Selfyssingar hleyptu aftur spennu í lokin þegar Sævar Þór Gíslason skoraði og undir lokin fékk Viðar Örn Kjartansson fínt færi til að stela stigi en skot hans slappt og Kjartan Sturluson í marki Vals varði vel.

Sigur Valsmanna var fyllilega verðskuldaður, þeir réðu ferðinni langstærstan hluta leiksins. Liðið hefur náð að þjappa sér vel saman í þeim öldudal sem hefur umlukið félagið og sérstaklega í fyrri hálfleik sýndu þeir frábæra spilamennsku.

Selfoss - Valur 2-3

0-1 Jón Vilhelm Ákason (18.)

0-2 Arnar Sveinn Geirsson (32.)

1-2 Viktor Unnar Illugason (víti 65.)

1-3 Guðmundur Steinn Hafsteinsson (68.)

2-3 Sævar Þór Gíslason (83.)

Áhorfendur: 933

Dómari: Gunnar Jarl Jónsson 7

Skot (á mark): 11-14 (5-7)

Varin skot: Jóhann 4 - Kjartan 2

Horn: 4-9

Aukaspyrnur fengnar: 9-13

Rangstöður: 1-4

Selfoss 4-5-1:

Jóhann Ólafur Sigurðsson 4

Stefán Ragnar Guðlaugsson 5

Jón Guðbrandsson 3

Agnar Bragi Magnússon 5

Andri Freyr Björnsson 4

Martin Dohlsten 7

(38. Viðar Örn Kjartansson 6)

Einar Ottó Antonsson 6

(83. Ingi Rafn Ingibergsson -)

Jean Stephane YaoYao 6

Sævar Þór Gíslason 7

Guessan Bi Herve 4

(64. Ingþór J. Guðmundsson 6)

Viktor Unnar Illugason 7

Valur 4-3-3:

Kjartan Sturluson 7

Stefán Eggertsson 7

Atli Sveinn Þórarinsson 8* - Maður leiksins

Greg Ross 7

Martin Pedersen 6

Haukur Páll Sigurðsson 7

Ian Jeffs 6

Rúnar Már Sigurjónsson 5

Baldur Aðalsteinsson 6

Jón Vilhelm Ákason 7

Arnar Sveinn Geirsson 7

(64. Guðmundur Steinn Hafsteinsson 6)