Gamla skattkerfið var gott

Viðskiptaráð Íslands segir skattabreytingar ríkisstjórnarinnar sem tóku gildi um áramót illa ígrundaðar og hafi stjórnin átt að gefa sér betri tíma til að vinna þær og útfæra í stað þess að þrýsta þeim í gegnum þingið.

Komið hafi á daginn að skattkerfisbreytingarnar hafi verið vanhugsaðar og enn sé óvíst hvort þær skili tilætluðum árangri til að rétta af halla á opinberum fjárhag eða bæti kjör þeirra efnaminni. Þá verði ekki annað séð en að það skattkerfi sem verið hafi fyrir hafi staðið fyllilega undir sínu, enda bæði einfalt og hagkvæmt. - jab