Ferguson segir væntingarnar til Rooney hafa verið of miklar

Sir Alex Ferguson kemur Wayne Rooney til varnar eftir skelfilegt HM hjá framherjanum. Rooney var ekki með sjálfum sér á mótinu og náði ekki að skora. "Það eru svo miklar væntingar í hans garð. Það var talað um að hann yrði leikmaður mótsins," sagði Ferguson um Rooney. "Ekki glema því að það kom á undan mótinu. Hann átti að vera betri en Messi og Ronaldo," sagði stjórinn en þeir þrír voru reyndar allir álíka slakir á HM. "En bíðið þið bara, eftir fjögur ár verður hann allt annar leikmaður," sagði stjórinn og benti á Bastian Schweinsteiger sem besta mann mótsins til þessa en hann tippar á að Holland hampi titlinum.