Slitastjórn Glitnis verði vikið frá

Fyrrverandi starfsmaður Glitnis hefur sent formlega kvörtun til dómstjóra Héraðsdóms Reykjavíkur yfir vinnubrögðum slitastjórnar Glitnis við skýrslutöku á hennar vegum. Hefur maðurinn, sem var viðskiptastjóri hjá Glitni, krafist þess að slitastjórnarmönnuum verði vikið frá og aðrir skipaðir í þeirra stað, að því er fram kemur í Morgunblaðinu.

Fréttastofa Stöðvar 2 og Vísis hefur áður fjallað um að starfsmenn Íslandsbanka hafi kvartað undan hótunum slitastjórnarinnar í þeirra garð, en stjórn Íslandsbanka sá sig knúna til að ræða málið og beina tilmælum til stjórnenda Íslandsbanka vegna þess. Var starfsmönnum Íslandsbanka í kjölfarið gerð grein fyrir því að skýrslutaka hjá Glitni hefði ekki áhrif á störf þeirra hjá bankanum.