Del Bosque: Við spiluðum stórkostlega

Það kom fáséð bros á andlit spænska landsliðsþjálfarans, Vicente Del Bosque, eftir að lið hans hafði tryggt sér sæti í úrslitaleik HM í kvöld.

Hann hrósaði hinum mögnuðu leikmönnum sínum í hástert.

"Allir leikmenn liðsins voru stórkostlegir í kvöld. Við megum samt ekki gleyma okkur í gleðinni því það er einn leikur eftir," sagði Del Bosque.

"Allt frá aftasta til fremsta manns. Það voru allir frábærir. Mér fannst við spila stórkostlega."

Del Bosque á eðlilega von á erfiðum leik í úrslitum.

"Við vitum út á hvað hollenskur bolti gengur og þetta verður erfiður leikur."