Aron orðaður við Celtic og Fulham

Miðjumaðurinn Aron Gunnarsson hjá Coventry City er nefndur á nafn í slúðrinu í ensku blöðunum í dag.

Íslenski landsliðsmaðurinn hefur verið nokkuð í umræðunni eftir fína frammistöðu með Coventry í vetur og til dæmis segir Sky að bæði Fulham og skoska félagið Celtic í Glasgow séu að fylgjast með honum.

Í breska blaðinu Sun er haft eftir Aroni að hann hafi áhuga á að framlengja við Coventry. "Mér hefur ekki verið boðinn nýr samningur, en ég skrifa undir ef mér er boðinn góður samningur," á landsliðsmaðurinn ungi að hafa sagt.