Eto'o vill risagreiðslu frá Barcelona

Samuel Eto'o hefur farið fram á að Barcelona greiði honum 15 prósent af því kaupverði sem Inter Milan greiddi félaginu fyrir sig.

Eto'o kostaði Inter um 20 milljónir evra og hefur því leikmaðurinn farið fram á að Barcelona greiði sér þrjár milljónir evra.

Krafa hans er byggð á því að leikmenn á Spáni fá 15 prósent kaupverðsins í eigin vasa þegar þeir skipta um félag innan Spánar.

Forráðamenn Barcelona segja að þessi regla eigi ekki við þar sem að Eto'o var seldur til ítalsks félags. Enn fremur segja þeir að það sé á ábyrgð félagsins sem kaupir viðkomandi leikmann að inna þessa greiðslu af hendi.

Ef niðurstaða fæst ekki í málið er ekki ólíklegt að það rati fyrir dómstól. Í fyrra komst dómari í álíka máli að þeirri niðurstöðu að leikmaðurinn ætti rétt á greiðslunni.

Í því tilfelli var Albert Luque seldur til Newcastle og var hans gamla félagi, Deportivo La Coruna, gert að greiða Luque 2,1 milljón evra.