Í hættu á bátstuðru

Félagar í Björgunarfélagi Vestmannaeyja fengu útkall rétt fyrir hálf ellefu í gærkvöldi vegna tuðru sem var í vanda stödd við Bakkafjöru. Þetta kemur fram á fréttavefnum eyjar.net.

Frá því að útkall kom þá liðu ekki nema þrjár mínútur þar til að björgunarbáturinn Þór var lagður af stað úr Vestmannaeyjahöfn. Fjórir menn voru um borð í tuðrunni við Bakkafjöru en drepist hafði á mótor bátsins.

Töluvert brim var í fjörunni. Mennirnir voru heppnir þar sem ein aldan fleytti þeim upp í fjöruna og gátu þeir stigið þar í land. Brimið í fjörunni getur verið varasamt og var því þyrla Landhelgisgæslunnar einnig kölluð út í gærkvöldi.