Jarðskjálfti í Krýsuvík

Jarðskjálfti upp á 3,1 á Richter varð um 5 kílómetrum norðaustur af Krýsuvík um klukkan 18 mínútur í tvö í dag. Upptök skjálftans voru um 6 kílómetrum ofan í jörðinni en hans varð vart víða á höfuðborgarsvæðinu.

Töluverð jarðskjálftavirkni hefur verið á þessu svæði á undanförnum vikum og mánuðum. Ekki er útilokað að fleiri skjálfta verði vart á næstunni. Hins vegar er ekkert sem bendir sérstaklega til þess að annar skjálfti verði á næstu klukkutímum.

Jarðskjálftafræðingar frá veðurstofunni fylgjast grannt með gangi mála.