Kelly lánaður til Stoke

Stoke hefur gengið frá félagaskiptum Stephen Kelly sem kemur frá Birmingham á lánssamningi sem gildir út tímabilið.

Félögin komust að samkomulaginu áður en félagaskiptaglugginn lokaði á mánudaginn en Kelly komst ekki til Stoke í tæka tíð vegna veðurs.

Yfirvöld ensku úrvalsdeildarinnar hafa hins vegar staðfest nú samninginn í ljósi aðstæðna sem komu upp.

Kelly er uppalinn leikmaður Tottenham en fór þaðan til Birmingham. Hann lék hvern einasta leik með félaginu í úrvalsdeildinni á síðustu leiktíð en hefur hins vegar fá tækifæri fengið en félagið leikur nú í B-deildinni.