Real neitaði Ronaldo um að fara til Portúgal

Cristiano Ronaldo bað Real Madrid um leyfi til þess að fara með portúgalska landsliðinu til Portúgal þar sem það mætir Möltu í lokaleik sínum í undankeppni HM.

Þeirri ósk leikmannsins var hafnað af félaginu enda meiddist Ronaldo í landsleiknum um helgina og félagið vill ekki að hann missi af einum degi í endurhæfingunni sem bíður enda horfir félagið á að vera án hans í heilan mánuð.

Félagið stefnir á að gera hann kláran í slaginn á þrem vikum.

Nokkur togstreita er á milli Real og portúgalska knattspyrnusambandsins í kjölfar þess að landsliðsþjálfari Portúgal hafði sagt að Ronaldo væri nógu heill til þess að spila en því var Real sammála.

Í ljós kom síðan í leiknum að hann var alls ekki nógu góður til heilsunnar.