Zola: Hefði aldrei beðið Cole um að gefa ekki kost á sér

Gianfranco Zola, stjóri West Ham, varð að sjá á eftir sóknarmanninum Carlton Cole næstu sex vikurnar þegar að hann meiddist með enska landsliðinu um síðustu helgi.

Carlton Cole fann til óþægindum í nára þegar hann kom til móts við landsliðið og Zola óttaðist að meiðslin gætu orðið alvarlegri sem þau svo urðu.

„Ég myndi aldrei taka mann út úr landsliðshópi. Ég veit hversu mikilvægt það var fyrir hann að vera valinn í landsliðið," sagði Zola í viðtali við Skysports.

Zola sagði það hafa aldrei komið til greina að biðja Cole að gefa ekki kost á sér.

„Ég get aðeins borið þetta saman við það hversu mikilvægt það var fyrir mig að spila fyrir ítalska landsliðið. Það er ekkert meira afrek í fótbolta en að komast í landsliðið," sagði Zola.