Sáttanefnd Borgarahreyfingarinnar mistókst

Atburðarás reyndist of hröð og flókin til að sáttanefnd Borgarahreyfingarinnar tækist að ná árangri og fá alla aðila til að ná sáttum, að því er kemur fram í tilkynningu sáttanefndarinnar til félagsmanna Borgarahreyfingarinnar.

Sáttanefndin var skipuð til að lægja öldurnar milli Þráins Bertelssonar og annarra þingmanna Borgarahreyfingarinnar eftir deilur fyrr í mánuðinum sem enduðu með úrsögn Þráins úr þingflokk hreyfingarinnar.

Sáttanefndin segir ljóst að skortur á leiðbeningum um helstu verklags- og samskiptaleiðir fyrir hreyfinguna hafi átt afgerandi þátt í deilunum og verði leiðir til úrbóta bornar upp á landsfundi í september.

Í tilkynningunni er það viðurkennt að orðspor hreyfingarinnar hafi hangið á bláþræði á tímabili og hún hafi þurft að sjá á eftir kraftmiklu og góðu fólki á undanförnum vikum.

Sáttanefndin gerir nokkrar tillögur, en þær má lesa hér að neðan. Tilkynninguna í heild má lesa hér.