John Terry er eins og stóri bróðir

Salomon Kalou segir að leikmannahópurinn hjá Chelsea sé eins og fjölskylda. Hann er á því að sú mikla samheldni sem sé í liðinu eigi eftir að skila liðinu titlum í lok leiktíðar.

„Chelsea-fjölskyldan er eins sterk og fjölskyldan mína heima. Það hafa verið mörg vandamál síðustu tvö ár og alltaf eins og það sé nýr stjóri. Sem leikmenn höfum við þó staðið saman. John Terry þjappar okkur saman. Honum er líka annt um alla," sagði Kalou.

„Þegar stjóri hverfur á braut þá spjöllum við saman í liðinu. Fyrirliðinn þjappar hópnum saman. Hvetur menn áfram og athugar hvort það sé ekki í lagi með alla. Svona á fyrirliði að vera. Ef það er eitthvað vandamál þá tala ég við John. Ég veit að hann mun vernda mig enda eins og stóri bróðir minn," sagði Kalou afar kátur með fjölskylduböndin hjá félaginu.