Cannavaro féll á lyfjaprófi

Fabio Cannavaro, fyrirliði Juventus, hefur fallið á lyfjaprófi en í ljós kom að hann hafði innbyrt kortisón en efnið er á bannlista.

Cannavaro segir að hann hafi sótt um undanþágu svo hann gæti tekið lyf þar sem hann hafði verið stunginn af geitungi.

Hins vegar tafðist umsóknarferlið þar sem að það vantaði ákveðin gögn í umsókn Cannavaro. Hann var svo lyfjaprófaður í ágúst síðastliðnum og féll á prófinu sem fyrr segir.

Talsmaður Juventus sagði að það hefði verið nauðsynlegt að gefa Cannavaro viðkomandi lyf. Félagið hefði gert það sem þurfti að gera og læknar félagsins væru reiðubúnir að svara fyrir það.

Cannavaro mun fara á fund lyfjanefndar ítalska Ólympíusambandsins á föstudaginn.