Garðar á skotskónum í stórsigri Fredrikstad

Framherjinn Garðar Jóhannsson skoraði þriðja mark Fredrikstad í 0-5 bursti liðsins gegn Lyn í lokaumferð norsku úrvalsdeildarinnar í dag en Garðbæingurinn lagði einnig upp annað mark gestanna í leiknum. Arnar Darri Pétursson var í marki Lyn en fékk rautt spjald á 57. mínútu.

Kristján Örn Sigurðsson, Ólafur Örn Bjarnason og Birkir Már Sævarsson voru allir í byrjunarliði Brann sem gerði 1-1 jafntefli gegn Noregsmeisturum Rosenborg en Gylfi Einarsson kom inn á sem varamaður í leiknum.

Birkir skoraði eina mark leiksins í sigri Viking gegn Tromsö.

Þá kom Pálmi Rafn Pálmason inn á sem varamaður í 1-3 sigri Stabæk gegn Sandefjord.

Markverðirnir Árni Gautur Arason og Stefán Logi Magnússon voru á sínum stað í byrjunarliðum liða sinna, Árni hjá Odd og Stefán Logi hjá Lilleström. Björn Bergmann Sigurðarson kom inn á sem varamaður hjá Lilleström.

Úrslit dagsins í Noregi:Aalesund-Stömgodset 1-1Bodö/Glimt-Odd 1-1Brann-Rosenborg 1-1Lyn-Fredrikstad 0-5Molde-Lilleström 3-0Sandefjord-Stabæk 1-3Start-Valerenga 2-0Viking-Tromso 1-0