Yossi Benayoun tryggði Liverpool toppsætið í uppbótartíma

Yossi Benayoun skoraði eina mark leiksins á uppbótatíma í 0-1 útisigri Liverpool á Fulham í ensku úrvalsdeildinni í kvöld. Liverpool komst í efsta sætið með þessum sigri en Manchester United á tvo leiki til góða.

Yossi Benayoun skoraði sigurmarkið með laglegu skoti á 92. mínútu eftir sendingu frá fyrirliðanum Steven Gerrard. Þetta gæti orðið eitt af mikilvægustu mörkum tímabilsins.

Liverpool er með 67 stig eða tveimur stigum meira en Manchester United. United á tvo leiki til góða á Liverpool en liðið mætir Aston Villa á morgun.