Mótmælin friðsamleg

Rúmlega fimm hundruð manns mótmæla nú við Austurvöll. Sem fyrr ber hrópar fólkið slagorð og ber eldhúsáhöld, trommur og annað sem getur framkallað hávaða.

Mótmælin hafa farið friðsamlega fram í kvöld. Að sögn sjónarvotta loga engir eldar og engu hefur verið grýtt að lögreglumönnum. Þeir eru einnig öllu minna búnir en í gær, og eru til að mynda ekki með skildi uppivið. Þá hafa þeir fært sig frá aðalinngangi alþingishússins, þar sem flestir mótmælendur eru, yfir að hlið hússins.

Athygli vekur að töluvert stór hópur ber appelsínugula borða eða klæðist appelsínugulu, en með því vill fólkið undirstrika vilja sinn til að mótmæla friðsamlega.