Umfjöllun: Valur sótti stig til Eyja

Frábært veður var á Hásteinsvellinum í Vestmannaeyjum þar sem ÍBV tók á móti Val í Pepsi-deildinni í dag.

Eyjamenn byrjuðu leikinn af krafti og settu mikla pressu á Vals liðið. Á 12. mínútu leiksins átti ÍBV svo fyrsta alvöru færið í leiknum en það var Augustine Nsumba sem átti góðan sprett upp hægri kantinn, renndi boltanum fyrir á Ajay Smith sem átti ágætis skot en Kjartan Sturluson varði vel.

Eftir það unnu Valsmenn sig svo inn í leikinn jafnt og þétt en áttu í erfiðleikum með að brjóta 5 manna vörn ÍBV niður. Eyjamenn þó ívið betri í fyrri hálfleiknum og ágætis fótbolti hjá þeim á köflum.

Seinni hálfleikur fór rólega af stað, bæði lið að skapa sér fá færi. En eftir um 10 mínútna leik þá byrjuðu Vestmannaeyingarnir að pressa af miklum krafti sem endaði með því að þeir skoruðu á 71. mínútu.

Stuttu áður braut Bjarni Ólafur illa á Ajay Smith leikmanni ÍBV. Ajay var að hlaupa upp kantinn í skyndisókn en Bjarni setti höndina út og í andlitið á Ajay. Magnús Þórisson, dómari leiksins, var ekki í nokkrum vafa og sendi Bjarna í sturtu, beint rautt.

Upp úr aukaspyrnunni kom svo markið. Þar var að verki Ajay Smith sem skaut boltanum rétt utan teigs upp í hornið hægra megin fram hjá Kjartani.

Valsmenn voru því ekki í góðum málum einum færri og einu marki undir. En á 79. mínútu átti Ian Jeffs sprett upp hægri kant, reyndi að senda fyrir en boltinn virtist fara í höndina á Andra Ólafssyni, fyrirliða ÍBV. Boltinn datt fyrir Ian Jeffs sem reyndi aftur en aftur virtist boltinn fara í höndina á Andra og þá dæmdi Magnús víti. Andri gat lítið gert í þessu, var um meter á milli mannanna og Andri virtist vera með hendurnar upp við síðuna.

Sigurbjörn Örn Hreiðarsson fór á vítapunktinn og skoraði örugglega fram hjá Alberti Sævarsyni markmanni ÍBV.

Það sem eftir lifði leiks voru Eyjamenn meira með boltann og töluvert hættulegri en náðu ekki að koma boltanum í netið, lokastaða 1 – 1 á Hásteinsvelli.

ÍBV – Þróttur 1-1

1-0 Ajay Leitch-Smith (71.)

1-1 Sigurbjörn Hreiðarsson, víti (79.)

Áhorfendur: Ekki uppgefið.

Dómari: Magnús Þórisson (5)

Skot (á mark): 10 - 6 (3-2)

Varin skot: Albert 1 – Kjartan 2.

Horn: 3-3

Aukaspyrnur fengnar: 20-12

Rangstöður: 3-2

ÍBV (5-4-1):

Albert Sævarsson 5

Arnór Eyvar Ólafsson 6

Andrew Mwesigwa 7           

(70., Gauti Þorvarðarsson 5)

Eiður Aron Sigurbjörnsson 6

Andri Ólafsson 6

Þórarinn Ingi Valdimarsson 6

Christopher Clements 6

Augustine Nsumba 7

Tony Mawejje 8 - Maður leiksins

Yngvi Magnús Borgþórsson 5         

(81., Bjarni Rúnar Einarsson -)

Ajay Leitch-Smith 7

Valur (4-5-1):

Kjartan Sturluson 5

Reynir Leósson 5

Atli Sveinn Þórarinsson 6

Pétur Georg Markan 6

Baldur Bett 5

Ian Jeffs 5

Guðmundur Steinn Hafsteinsson 3    

(65., Arnar Sveinn Geirsson 5)

Sigurbjörn Hreiðarsson  5

Bjarni Ólafur Eiríksson 2

Marel Jóhann Baldvinsson 6             

 (73., Viktor Unnar Illugason -)

Matthías Guðmundsson 5