Guðjón ósáttur við dómarana

„Af hverju var kvenkynsaðstoðardómarinn færð af línunni í síðari hálfleik þar sem stuðningsmenn Leeds voru? Ef hún ræður ekki við pressuna, af hverju var hún þá sett á þennan leik yfir höfuð," sagði Guðjón Þórðarson gramur eftir tap sinna manna gegn Leeds í dag.

Guðjón var ekki sáttur við dómgæsluna í leiknum. Einn hans leikmanna fékk að líta rauða spjaldið í fyrri hálfleik og Crewe fékk á sig þrjú mörk á níu mínútna kafla eftir það.

„Það er alveg klárt að það er rifið í minn mann þegar hann reiðist. Hann fær svo rautt spjald fyrir kjaftbrúk. Auðvitað eigum við að vera rólegir og yfirvegaðir en þessi ákvörðun var ekki ásættanleg," sagði Guðjón.

Strákarnir hans Guðjóns lögðu ekki árar í bát. Minnkuðu muninn í 2-3 í síðari hálfleik. Gylfi Sigurðsson, sem var valinn maður leiksins, var síðan hársbreidd frá því að jafna undir lokin.

„Ég er afar stoltur af mínu liði. Við fengum á okkur ódýr mörk en svöruðum mótlætinu á jákvæðan hátt. Við töpuðum kannski leiknum en gengum af velli sem sigurvegarar," sagði Guðjón.