Blaðamaður Crewe Chronicle: Guðjón hentaði Crewe engan veginn

Peter Morse, blaðamaður Crewe Chronicle, segir að það hafi verið óhjákvæmilegt fyrir forráðamenn enska D-deildarfélagsins Crewe Alexandra að segja Guðjóni Þórðarsyni upp störfum.

Í pistli sem birtist á heimasíðu félagsins í síðustu viku segir Morse að í fyrstu hafi virst sem svo að það hafi verið skynsamlegt að ráða Guðjón. Forráðamenn Crewe vildu fá reyndan stjóra sem hafði áður komið liði upp um deild í Englandi og að Guðjón hefði viljað sannað sig eftir að hafa ekki náð sér á strik með Barnsley og Notts County.

En níu mánuðum síðar var allt breytt. Félagið fallið í ensku deildina og eftir fjóra tapleiki í röð var komið að kveðjustund.

Morse segir að nálgun Guðjóns á knattspyrnu hafi ekki farið heim og saman við þær hefðir sem félagið hefur haldið í. Í fyrstu hafi agi og sú áhersla sem hann lagði á gott líkamlegt form leikmanna komið sér vel en það dugaði skammt þegar gengið liðsins fór að versna undir hans stjórn.

Lesa má greinina í heild sinni hér.