Fótbolti

Þjóðverjar búnir að panta HM-hótel án þess að vera komnir inn á HM

Óskar Ófeigur Jónsson skrifar
Ætli Michael Ballack fái sér svítu eins og á EM?
Ætli Michael Ballack fái sér svítu eins og á EM? Mynd/AFP

Þjóðverjar telja sig vera örugga um að komast áfram á HM í Suður-Afríku næsta sumar því þýska knattspyrnusambandið hefur pantað fimm stjörnu hótelið Velmore Grande á meðan keppninni stendur. Þjóðverjar eru enn í hörkukeppni við Rússa um sigurinn í 4. riðli og um leið sæti inn á HM.

Velmore Grande hótelið er glænýtt og verður ekki opnað fyrr en í nóvember. Það er hægt að skoða myndir af lúxusnum á heimasíðu þess hér.

Þjóðverjar eiga eftir þrjá leiki en þeir eru með eins stigs forskot á Rússa. Þýska liðið mætir Aserbaídsjan á heimavelli í kvöld á sama tíma og Rússar fara til Wales.

Toppliðin mætast síðan í óopinberum úrslitaleik í Rússlandi í október og þá gæti ráðast hvort Þjóðverjar fara beint á HM eða hvort þeir þurfa að fara í umspilið. Lokaleikur liðsins er síðan á móti Finnlandi.






Fleiri fréttir

Sjá meira


×