Heilbrigðiskerfið einkavætt í skjóli kreppu

Ögmundur Jónasson, þingflokksformaður Vinstri grænna, segir að einkavæðing í heilbrigðiskerfinu standi yfir í skjóli kreppunnar. Hann segir afar mikilvægt að Guðlaugur Þór Þórðarsson, ráðherra heilbrigðismála, komi hreint til dyranna hvað þau mál varðar.

Ögmundur segir að þingmenn hafi verið til í að ræða breytingar á heilbrigðiskerfinu með opnum hug. Sá hængur sé hins vegar á að tillögurnar virðast ekki eigi að ræða heldur sé Guðlaugur búinn að taka ákvörðun umræðulaust um þá þætti sem hvað umdeildastir séu.

Heilbrigðisráðherra hugnast ekki einkavæðing

Guðlaugur sagðist í Kastljósi fyrr í kvöld ekki hugnast einkavæðing í heilbrigðiskerfinu en einkarekstur væri annað. Hann sagðist jafnframt ekki vera búinn að færa neinar sjúkrastofnanir til sveitarfélaga.

Með lokun St. Jósefsspítali í núverandi mynd verður megnið af starfsemi hans flutt til Suðurnesja. Byggð verður upp nýr skurðstofurekstur í nýrri aðstöðu í Reykjanesbæ. Árni Sigfússon, bæjarstjórinn í Reykjanesbæ, hefur sagt að mikilvægt sé að bæjarfélagið taki við allri heilbrigðisþjónustu í bænum svo íbúar missi ekki nauðsynlega þjónustu.

Rætt hefur verið um að Róbert Wessman komi að nýtingu skurðstofa sjúkrahússins í Reykjanesbæ og það hefur Árni staðfest.

Erfiðar aðstæður nýttar til að knýja fram kerfisbreytingar

Ögmundur segir að við þær fréttir hafi vaknað ákveðnar spurningar. ,,Allt bendir til þess að menn ætli að nota þessar erfiðu aðstæður sem þjóðinni hefur verið stefnt inn í til þss að knýja fram kerfisbreytingar að þessu tagi."