Tryggvi Þór Herbertsson: Er 173 sentímetrar á hæð

Þingmaður Sjálfstæðisflokksins, Tryggvi Þór Herbertsson, afhjúpar hæð sína á vefsvæði sínu sem hann skrifað nú síðdegis. Tilefnið er sérkennilegt andsvar fjármálaráðherrans, Steingríms J. Sigfússonar á Alþingi í dag þar sem tekist var á um Icesave-samkomulagið.

Þá svaraði Steingrímur: „Þú skalt segja mér það. Þú ert nú hár í loftinu."

Ummælin féllu þegar Tryggvi Þór kallaði: „Þið eigið ekki að lyppast niður."

Birgir Ármannsson, flokksbróður Tryggva, gagnrýndi orð Steingríms og sagði þau til skammar. Ekkert var minnst á hæð hans í bloggfærslu Tryggva.

Steingrímur var að svara fyrirspurn Tryggva um fyrirvara í nýju Icesave samkomulagi sem Tryggvi sagði vinna gegn efnahagslegri hagsæld þjóðarinnar. Aftur á móti sagði Steingrímur að líklega verði nægur hagvöxtur hér á landi til að standa undir skuldbindingum vegna Icesave.

Á heimsíðu Tryggva ljóstrar hann upp hæð sinni en hún er 173 sentímetrar. Svo skrifar Tryggvi:

„Skömm okkar Steingríms J. er mikil. Ég er 173 cm að hæð og hann skrifar óhikað undir 700.000.000.000 kr skuldbindingu. Hvor skömmin er stærri?"