Tunglfarar líta til baka

Tunglfararnir Neil Armstrong, Buzz Aldrin og Michael Collins komu saman í gær á geimferðasafni Bandaríkjanna og minntust þess að 40 ár voru liðin frá því að þeir tveir fyrstnefndu stigu fyrstir manna fæti á tunglið. Ávörpuðu þeir félagar stóran hóp gesta og rifjuðu upp skrefin örlagaríku í júlímánuði árið 1969. Barack Obama Bandaríkjaforseti heiðraði samkomuna með nærveru sinni og lét þau orð falla að þarna færu sannar amerískar hetjur sem yrðu komandi kynslóðum fyrirmynd.