Frí frá þingstörfum hvarfla ekki að Þráni

Þráinn Bertelsson, þingmaður Borgarahreyfingarinnar, segir það ekki hvarfla að sér að taka sér frí frá þingstörfum þó restin af þingflokknum vilji að hann geri það.

Borgarahreyfingin var stofnuð fyrir síðustu Alþingiskosningar og á kosninganótt í apríl síðastliðnum, þegar ljóst var að flokkurinn hafði fengið fjóra þingmenn kjörna, lék allt í lyndi.

Upp úr sauð hins vegar milli þingmanna eftir að kosið var á Alþingi um aðildarviðræður við Evrópusambandið um miðjan júlí. Síðan þá hefur allur þingflokkurinn ekki komið saman. Fjórir þingmenn eru í þingflokknum en þrír þeirra, þau Þór Saari, Birgitta Jónsdóttir og Margrét Tryggvadóttir greiddu atkvæði gegn viðræðunum. Þráinn Bertlesson, fjórði þingmaðurinn, greiddi hins vegar atkvæði með viðræðunum og sagði hina þingmennina vinna gegn stefnu flokksins.

Reynt hefur verið að koma á sáttum milli þingmannanna og sérstök nefnd innan hreyfingarinnar stofnuð til þess.

Á vefsíðu Borgarahreyfingarinnar segja Þór, Birgitta og Margrét að það liggji beinast við ,,[...] að Þráinn kalli þegar í stað inn varamann í sinn stað og taki sér sjálfur góðan umhugsunarfrest um framtíðaraðkomu sína málefnum borgarahreyfingarinnar."

Þráinn vildi ekki koma í viðtal vegna málsins en sagði það ekki hvarfla að sér að taka sér frí þó félagskapurinn í þingflokknum væri leiðinlegur.

Þór, Margrét og Birgitta vildu ekki tjá sig um málið en þær sögðu málið alfarið í höndum sáttanefndar hreyfingarinnar.

Borgarahreyfingin var stofnuð fyrir síðustu Alþingiskosingar og á kosninganótt í lok apríl lék allt í lyndi í hópnum.