Ronaldo innilegur með Paris Hilton

Slúðurblöð greina frá því í dag að Cristiano Ronaldo og Paris Hilton hafi látið vel að hvort öðru á skemmtistað í Los Angeles í gær.

Það er ekki óalgengt að knattspyrnumenn eyði fríum sínum í Bandaríkjunum þar sem þeir eru að mestu óþekktir.

Ronaldo og Paris voru bæði stödd á skemmtistaðnum My House og hermdu heimildir að slefið hefði ekki slitnað á milli þeirra allt kvöldið.

„Ronaldo og Paris voru að skiptast á munnvatni allt kvöldið," segir heimildarmaður en The Sun gengur svo langt að halda því fram að Ronaldo hafi skorað hjá Hilton.

Sömu heimildir herma að Ronaldo hafi keypt haug af dýrasta kampavíni hússins enda frægur fyrir að kunna að slá um sig.