Ók inn í verslun á Ísafirði

Ökumaður ók jeppabifreið sinni inn í verslunina Hamraborg á Ísafirði á föstudag. Við glugga verslunarinnar sátu ferðamenn að snæðingi. Frá þessu er greint á fréttavefnum BB.is.

Svo virðist sem að ökumanninum hafi orðið á þau mistök að stíga óvart á bensínsgjöf bifreiðarinnar þegar hann ætlaði að stíga á bremsu á bílastæði fyrir utan verslunina.

Fram kemur í frétt BB að ferðamönnunum varð ekki meint af en þeir fengu glerbrot yfir sig og á farangur sinn. Eðlilega varð þeim töluvert brugðið við atvikið.

Tjón varð á versluninni þar sem tvær rúður brotnuðu og einn gluggakarmur bognaði.