Lennon fer ekki í Liverpool- samdi á ný við Spurs

Aaron Lennon hefur gert nýjan samning við enska úrvalsdeildarliðið Tottenham en sögusagnir hafa verið um að þessi snjalli kantmaður væri á leiðinni til Liverpool í sumar.

Tottenham fékk Lennon frá Leeds árið 2005 en nýji samningurinn gildir allt til ársins 2014. Þessi 21 ára leikmaður hefur blómstrað með Spurs eftir að Harry Redknapp varð stjóri liðsins.

Liverpool er ekki eina stórliðið sem hafði sýnt áhuga á Lennon því einnig hafði heyrst af áhuga frá spænsku meisturunum í Real Madrid.