Álfukeppnin er hafin - Spánverjar byrja af krafti

Fyrstu leikir Álfukeppninnar í fótbolta í Suður-Afríku fóru fram í dag þegar leikið var í a-riðli. Heimamenn í Suður-Afríku mættu Írak í opnunarleik mótsins og skildu liðin jöfn í markalausum leik.

Spánverjar og Nýja-Sjáland mættust í seinni leiknum í dag og þar fóru Evrópumeistararnir með 5-0 stórsigur af hólmi.

Framherjinn Fernando Torres gerði út um leikinn snemma Þegar hann skoraði fjótustu þrennuna sem hefur verið skoruð í Álfukeppninn.

Fyrsta markið hjá Torres kom á 6. mínútu, hann bætti öðru mark við á 14. mínútu og á 17. mínútu fullkomnaði hann þrennuna.

Cesc Fabregas skoraði fjórða mark Spánverja á 24. mínútu og David Villa bætti því fimmta við á 48. mínútu og þar við sat.

Tveir leikir fara fram í b-riðli í dag þegar Brasilía og Egyptaland mætast annars vegar og Bandaríkin og Heimsmeistarar Ítalíu hins vegar.