Tvær breytingar á landsliðshópi Englands

Landsliðsþjálfarinn Fabio Capello hefur neyðst til þess að gera tvær breytingar á landsliðhópi sínum fyrir leikina gegn Úkraínu og Hvíta-Rússlandi í undankeppni HM 2010.

Markvörðinn Paul Robinson hjá Blackburn og varnarmaðurinn Joleon Lescott hjá Manchester City eru meiddir og í þeirra stað koma markvörðurinn Joe Hart hjá Manchester City, sem er þó á láni hjá Birmingham, og varnarmaðurinn Gary Cahill hjá Bolton.

England er sem kunnugt er þegar búið að tryggja sér farseðilinn á lokakeppnina í Suður-Afríku næsta sumar eftir að hafa unnið alla átta leiki sína til þessa í undanriðlinum.