Podolski tryggði Þjóðverjum jafntefli

Margir vináttulandsleikir fóru fram víða um heim í dag. Þýskaland gerði 2-2 jafntefli við Fílabeinsströndina í tilfinningaþrungnum leik.

Þetta var fyrsti leikur Þjóðverja eftir að Robert Enke fyrirfór sér í síðustu viku en hans var sérstaklega minnst fyrir leikinn.

Lukas Podolski kom Þjóðverjum yfir með marki úr vítaspyrnu í fyrri hálfleik en Emmanuel Eboue jafnaði metin fyrir gestina á 60. mínútu.

Seydou Doumbia kom svo Fílabeinsströndinni yfir með marki á 85. mínútu en Podolski skoraði öðru sinni í blálok leiksins og tryggði Þjóðverjum jafntefli.

Spánverjar unnu öruggan 5-1 sigur í Austurríki eftir að heimamenn komust yfir með marki Jakobs Jantscher á áttundu mínútu.

En Cesc Fabregas jafnaði metin aðeins tveimur mínútum síðar og David Villa skoraði tvívegis áður en flautað var til hálfleiks. Í síðari hálfleik skoruðu Daniel Güiza og Pablo fyrir Spánverja.

Þá unnu Ítalir 1-0 sigur á Svíum með skallamarki Giorgio Chiellini á 28. mínútu.

Úrslit vináttulaeikja í dag:

Aserbaídsjan - Tékkland 2-0

Suður-Kórea - Serbía 0-1

Íran - Makedónía 1-1

Pólland - Kanada 1-0

Svartfjallaland - Hvíta-Rússland 1-0

Malta - Búlgaría 1-4

Danmörk - Bandaríkin 3-1

Þýskaland - Fílabeinsströndin 2-2

Holland - Paragvæ 0-0

Austurríki - Spánn 1-5

Ítalía - Svíþjóð 1-0