Það var Ferguson sem ákvað að sleppa Ronaldo

Glazer-fjölskyldan, sem á Man. Utd, hefur staðfest að það var á endanum ákvörðun Sir Alex Ferguson, stjóra félagsins, að leyfa Cristiano Ronaldo að fara til Real Madrid.

„Skuldapakki félagsins hefur ekkert með þessa ákvörðun að gera. Staðreyndin er sú að eftir sex ár ákvað Ronaldo að það væri tími á að fara og stjórinn gaf grænt ljós á það," sagði talsmaður Glazer-fjölskyldunnar.

„Sir Alex Ferguson hefur valdið þegar kemur að leikmannamálunum. Honum er í sjálfsvald sett að taka þær ákvarðanir sem hann telur vera bestar fyrir félagið. Á því hefur ekki orðið neint breyting.

„Fjöldi heimsklassaleikmanna hefur komið til félagsins á síðustu árum og á því verður engin breyting," sagði talsmaðurinn.