Crouch á leið til Tottenham

Portsmouth hefur tekið tilboði frá Tottenham í enska sóknarmanninn Peter Crouch. Talið er að tilboðið hljóði upp á tíu milljónir punda. Búist er við að Crouch skrifi undir samning til fimm ára við Tottenham.

Paul Hart, stjóri Portsmouth, segir að af fjárhagslegum ástæðum hefði ekki verið hægt að hafna tilboði Tottenhamþ

Crouch gæti ferðast með Tottenham til Peking þar sem liðið tekur þátt í Asíubikarnum, æfingamóti þar sem einnig verða West Ham og Hull. Tottenham verður þriðja félagið þar sem Crouch leikur undir stjórn Harry Redknapp en áður hefur hann leikið undir hans stjórn hjá Southampton og Portsmouth.

Talið er að með komu Crouch verði Darren Bent seldur en Sunderland hefur áhuga á honum.