Endurfjármögnun Glitnis og Kaupþings á að ljúka í dag

Ríkisstjórnin kynnir hugsanlega niðurstöður um endurfjármögnun Kaupþings og Glitnis í dag.

„Tímafresturinn rennur út í dag og við erum enn að stefna á að ljúka þessu í dag en málinu er samt ekki lokið," sagði Gylfi Magnússon í samtali við Bloomberg fréttastofuna eftir ríkisstjórnarfund í dag. „Ég get ekki lofað því að við munum ljúka við endurfjármögnun bankanna í dag, en við munum reyna," segir Gylfi.

Þorsteinn Þorsteinsson samningamaður ríkisins við skilanefndirnar sagði í samtali við fréttastofu í dag að fjármálaráðuneytið muni senda frá sér formlega tilkynningu í dag vegna málsins.