Varað við sendibréfum frá Marie

Efnahagsbrotadeild ríkislögreglustjóra varar við sendibréfum sem Íslendingum hefur borist að undanförnu þar sem þeim er lofað háum fjármunum.

Upp á síðkastið hefur borið á því að íslenskum aðilum hafi borist sendibréf frá konu að nafni Marie de Fortune þar sem hún býður fram á fjárhagslega aðstoð.

Bréfin eru stíluð persónulega á fólk, með nafni og heimilisfangi. Í þeim er mynd af tékka að upphæð 23.750 dollurum en það samvarar þremur milljónum króna. Í bréfinu kemur fram að konan ætli að senda viðtakanda þessa fjárhæð en fyrst þurfi hún að fá beiðni þess efnis. Viðtakendur eru beðni um að fylla út eyðublað sem fylgir sendibréfinu og senda til baka ásamt 45 dollara greiðslu.  Eftir það verði tékki að upphæð 23.750 dollurum sendur til viðtakanda, til að framselja og skipta í banka.

Tilboð sem þessi tengjast oftast fjársvikastarfsemi og er full ástæða til að vara fólk við að svara þeim, að fram kemur í tilkynningu.

Sýnishorn af sendibréfi frá Marie er hægt að sjá hér.