Segir ágreining um Davíð Oddsson yfirklór Samfylkingar

Þorgerður Katrín Gunnarsdóttir varaformaður Sjálfstæðisflokksins segir það yfirklór að Ríkisstjórnin hafi sprungið vegna þess að flokkur hennar hefði ekki viljað taka til í yfirstjórn Seðlabankans.

Jóhann Sigurðardóttir félagsmálaráðherra og nú nýlega forsætisráðherraefni Samfylkingarinnar hefur látið hafa eftir sér í fjölmiðlum í dag að aðalatriðið hefði verið að Sjálfstæðismenn hafi ekki treyst sér til þess að láta Davíð Oddsson fara úr Seðlabankanum.

Þorgerður segir í samtali við fréttastofu að þetta sé algjörlega rangt enda hafi ekki verið neinn málefnanlegur ágreiningur á milli flokkanna. „Ég vil bara ítreka það að enginn slíkur ágreiningur var til staðar."