Southampton til rannsóknar

Enska B-deildarfélagið Southampton er nú til rannsóknar þar sem skoðað verður hvort draga eigi tíu stig af félaginu eftir að móðurfélag þess fór í greiðslustöðvun.

Til siðs er að tíu stig séu dregin af liðum í deildinni ef þau fara í greiðslustöðvun, en það er í raun Southampton Leisure Holdings sem er farið á hausinn en ekki knattspyrnufélagið sjálft eftir því sem fram kemur í enskum miðlum.

Stjórnarformaður B-deildarinnar sagði Sky Sports í morgun að hann vænti niðurstöðu í máli þessu fljótlega.