Vidic ekki með gegn Wolfsburg

Vandræði varnarmannsins Nemanja Vidic, leikmanns Man. Utd, halda áfram en nú er ljóst að hann leikur ekki með liðinu gegn Wolfsburg í Meistaradeildinni á morgun.

United tryggir sér toppsætið í riðlinum með sigri og fær fyrir vikið væntanlega þægilegri drátt í sextán liða úrslitunum.

Vidic er veikur og hefur ekki náð sér nógu vel til þess að fara með liðinu til Þýskalands.

Er vart á bætandi hjá Man. Utd þar sem fjöldi varnarmanna er meiddur. Þar á meðal Gary Neville, Wes Brown, Rio Ferdinand, John O´Shea og Jonny Evans.