Formaður Þjóðveldisflokksins vill ekki að Ísland gangi í ESB

Högni Hoydal, formaður Þjóðveldisflokksins í Færeyjum, vill ekki að Ísland gangi í ESB. „Það er von okkar að Ísland fari ekki inn, að sjálfsögðu. Við vonum það ennþá þó það sé erfitt að sjá það miðað við núverandi stöðu," segir formaðurinn í viðtali við Fréttablaðið í dag.

Þjóðveldisflokkurinn er stærsti stjórnmálaflokkur Færeyja og þrýstir á að Færeyjar verði fullvalda. Flokkurinn á þó ekki sæti í ríkisstjórn.

Högni vill að þjóðirnar í Norður-Atlantshafi standi saman og semji við Evrópusambandið í sameiningu um úrlausnarmál. Hann segir þjóðirnar eiga fjölmargar auðlindir og sameiginleg mál gagnvart Evrópu.