Grunaður sæti geðrannsókn - morðvopnið var samlokugrill

Lögreglan hefur óskað eftir því að Bjarki Freyr Sigurgeirsson, sem er grunaður um að hafa orðið manni að bana í Dalshrauni að kvöldi mánudagsins, sæti geðrannsókn.

Að sögn Friðriks Smára Björgvinssonar, yfirlögregluþjóns, þá er það vaninn að rannsaka geðheilbrigði manna í málum sem þessum. Það væri gert til þess að kanna sakhæfi þeirra.

Þá hefur Vísir áreiðanlegar heimildir fyrir því að morðvopnið sem var notað var samlokugrill. Vopnið var illa farið eftir árásina og mölbrotið.

Friðrik Smári vildi ekki staðfesta hvort Bjarki Freyr hafi játað manndrápið en hann er í gæsluvarðhaldi á Litla-Hrauni.