Adebayor vill Kolo Toure til City

Emmanuel Adebayor hefur biðlað til Manchester City um að félagið kaupi varnarmanninn Kolo Toure, fyrrum samherja sinn hjá Arsenal.

Adebayor gekk nýlega til liðs við City frá Lundúnafélaginu og vill núna að Toure fari sömu leið.

Mark Hughes, knattspyrnustjóri City, er í leit að varnarmanni og hefur reynt að fá John Terry.

„Kolo er góður vinur minn. Hann er frábær varnarmaður og mikilvægur fyrir Arsenal. Hann hefur spilað í úrvalsdeildinni í sjö eða átta ár svo hann þekkir deildina vel," sagði Adebayor. „Ég veit hversu góður Kolo er og er sannfærður um að Man City yrði ekki fyrir vonbrigðum með hann."