Arbeloa gæti verið á leið til Real Madrid

Alvaro Arbeloa, varnarmaður Liverpool, gæti gengið til liðs við Real Madrid á næstu dögum. Þetta er haft eftir umboðsmanni leikmannsins. Talið er að spænska liðið sé tilbúið að greiða 4,5 milljónir punda til að fá Arbeloa aftur.

Arbeloa er 26 ára en hann var í herbúðum Madridinga tímabilið 2004-05. Umboðsmaður hans segir að viðræður séu í gangi en Arbeloa á aðeins eitt ár eftir af samningi sínum á Anfield. Hann á von á harðri samkeppni á Anfield á komandi tímabili enda hefur félagið fengið Glen Johnson.