Mikel að gera langtímasamning við Chelsea

Samkvæmt umboðsmanni miðjumannsins John Obi Mikel er leikmaðurinn við það að skrifa undir nýjan fimm ára samning við Chelsea en leikmaðurinn hefur verið orðaður við félagsskipti frá Brúnni í allt sumar.

Hinn 22 ára gamli Nígeríumaður var til að mynda sterklega orðaður við Inter.

„Hann mun skrifa undir nýjan samning í byrjun næstu viku. Þetta er góður samningur fyrir leikmanninn sem verður nú á meðal launahæstu leikmanna félagsins," segir umboðsmaðurinn John Shittu.