Sigurjón stofnar nýtt fréttatímarit

Sigurjón M. Egilsson, blaðamaður, hefur ákveðið að stofna nýtt fréttatímarit sem verður alfarið óháð peningaöflum og stjórnmálum. Þegar eru komin loforð um hlutafé, að fram kemur á vefsíðu Sigurjóns.

,,Ég er sannfærður um að það er þörf á Mannlífi í þeim anda sem ég innleiddi á síðasta ári. Þess vegna ætla ég að fara af stað með fréttatímarit,  sem verður alfarið óháð peningaöflum og stjórnmálum," segir Sigurjóns.

Sigurjón hlaut nýverið verðlaun fyrir bestu rannsóknarblaðamennskuna árið 2008. Í umsögn dómnefndar var hann verðlaunaður fyrir vandaðar og ítarlegar greinar um ,,íslenskt efnahagsástand í Mannlífi, þar sem mál voru krufin með ítarlegri hætti en títt er í íslenskum fjölmiðlum. Samhliða stýrði Sigurjón útvarsþætti á Bylgjunni, þar sem íslensk þjóðmál voru í brennidepli."

Pistil Sigurjóns er hægt að lesa hér.