Harewood lánaður til Wolves

Framherjinn Marlon Harewood hjá Aston Villa hefur verið lánaður til Wolves í ensku B-deildinni til loka leiktíðar.

Fyrrum West Ham-maðurinn hefur fengið fá tækifæri í byrjunarliði Villa í vetur, en reyndar er ákvæði í lánssamningnum um að hægt sé að kalla hann aftur til Villa eftir fyrstu 28 dagana ef með þarf.

Harewood var ekki í leikmannahópi Villa í 5-0 skellinum gegn Liverpool um helgina og útlit fyrir að hann sé fimmti valkostur í framherjastöðuna hjá Martin O´Neill knattspyrnustjóra.