Rooney horfir eingöngu fram á veginn

Wayne Rooney sýndi um helgina að hann er ekki mikið í því að velta sér úr fortíðinni. Hann ýtti vandræðaleiknum gegn Fulham til hliðar og fór á kostum með enska landsliðinu.

„Ég vil vinna fleiri titla, spila fleiri landsleiki og skora fleiri mörk," sagði Rooney sem var valinn besti leikmaður enska landsliðsins á síðasta ári.

„Þegar ferlinum er lokið get ég horft til baka en ég hef ekki áhuga á því á meðan ég er enn að spila. Ég vil eingöngu einblína á þá titla sem ég get unnið. Eftir að við höfðum unnið Meistaradeildina í fyrra þá fórum við strax að hugsa um næsta tímabil," sagði Rooney sem mun leika sinn 50. landsleik á miðvikudag þrátt fyrir ungan aldur.